Cuirfidh an ceoltóir aitheanta agus príomhfheidhmeannach Temple Bar Properties, Dermot McLaughlin, tús oifigiúil le Scoil Cheoil an Earraigh, Baile an Fheirtéaraigh, Co Chiarraí, i Músaem Oidhreacht Chorca Dhuibhne san oíche anocht ag 8pm.
Beidh buaiteoir Chorn Uí Riada, Éamon Ó Donnchadha, i mbun amhránaíochta ag 10pm i gClub an Dreoilín ina dhiaidh sin. Beidh clárú do ranganna san fhidil, bosca ceoil, feadóg stáin, bodhrán, feadóg mhór agus píobaí uilleann, amhránaíocht ar an sean-nós amárach ag 10am; léacht le Máire Ní Chaoimh ar Stair an Bhosca Cheoil ag 8pm san oíche amárach in Óstán Cheann Sibeal; ceolchoirm mhór in Halla na Feothanaí ag 8pm oíche Aoine le Matt Molloy, Sean Keane agus Maighréad Ní Dhomhnaill agus ceann eile oíche Shathairn le Tony McMahon, Breandán Ó Beaglaoich, Cór Chúl Aodha agus Gerry O'Beirne. Eolas: 066-9156402 nó eolas@scoilcheoil.com