RÉSHEOID (Coiscéim) is ainm don chéad chnuasach filíochta le file óg as an Chlár, Doireann Ní Ghríofa.
Tá sí díreach i ndiaidh Máistreacht sa Nua-Ghaeilge a chríochnú ar ollscoil Chorcaí agus Alan Titley – ollamh ansin agus colúnaí anseo – a scríobh blurba don leabhar. Deir sé go bhfuil “idir iontas agus dhraíocht agus sceimhle” sna dánta agus gur filíocht atá ann atá “simplí coséadrom ach tá pléascadh laistiar díobh a éilíonn iad a léamh go mall chun a mblaiseadh go hiomlán”.
Is í an file iomráiteach, Biddy Jenkinson, a sheolfaidh Résheoid Dé hAoine ag 7pm i Leabharlann Cathrach Chorcaí.