Tosóidh Scoil Samhraidh Merriman in Óstán Falls, Inis Díomáin, Co an Chláir Dé Sathairn agus mairfidh sí go dtí an Satharn 28ú Lúnasa.
Is é "Cá bhfuil Éire? Dhá insint/Orthodoxies and Heresies: The New Ireland and its Sacred Cows" téama na bliana.
Beidh dhá insint ag cainteoirí aitheanta ar na téamaí - creideamh, cultúr, litríocht - an dearcadh nó an glacadh ortadocsach "oifigiúil" agus an dearcadh eiriciúil "malartach".
Ar na cainteoirí,beidh Kevin Whelan, staraí; Muiris Fitzgerald, ollamh le leighleas; Alan Titley, léachtóir agus scríbhneoir agus Mark Patrick Hederman, criticeoir agus scríbhneoir.
Pléifidh Gearóid Ó Cléirigh, Póilín Ní Chiaráin, Andrea Nic Thaidhg agus Seosamh Ó Cuaig, "An Dá Shaol", a dtaithí féin ar Éirinn mar a bhí agus mar atá, ag na seimineáir mhaidine.
Eolas: 087-6163225 nó www.merriman.ie