Beidh Cormac ag a Cúig á chraoladh beo ó Choláiste na Tríonóide, Baile Átha Cliath, Déardaoin idir 4.30 p.m. agus 5.55 p.m.
Is é an reifreann ar cheist an Ochtú Leasú an t-ábhar a bheas faoi chaibidil. Beidh Piaras Ó Dochartaigh, Rónán Mullen, Niamh Uí Bhriain, agus Lisa Nic an Bhreithimh ar an phainéal agus fáilte roimh lucht féachana don chlár beo ó Sheomra na Gaeilge sa choláiste.
Má tá spéis agat a bheith sa lucht féachana, cuir nóta chuig cormac5@rte.ie
![](https://www.irishtimes.com/resizer/v2/5EBHRMF7V5L6EQCGT4QI7O6U7I.jpg?auth=c9f0e65b9a40360f610bcb95d9397ad79862b4e248d8d8f1f73169d556421476&width=800&height=450)
Arán laethúil Is dócha gur fearr aithne ag an phobal ar Mhanchán Magan mar fhear taistil agus mar scríbhneoir. Ach tá spéis mhór aige sa bhácáil fosta.
Bíonn se i mbun ceardlann bácála uair sa mhí sna Fumbally Stables, taobh leis an Fumbally Café i mBaile Átha Cliath. Tráthúil go leor, beidh ceardlann Ghaeilge ar siúl aige an Satharn seo agus cuireann sé fáilte roimh lucht na Gaeilge clárú.
Ceardlann dhá uair an chloig atá i gceist, ina múineann sé “i slí shoiléir bhunúsach conas dúisire (starter) taos géar a chruthú agus a chothú, agus ansin conas an t-arán a bhácáil.
“Tugaim eolas freisin faoin modh a bhaineann taos géar tairbhe as giostaí fiáine agus baictéir atá mórthimpeall orainn i gcónaí leis an t-arán a ardú agus blas sainiúil a thabhairt dó”.
Eolas: www.thefumballystables.ie/events/saturday-sourdough/