Fuair an Taibhdhearc, amharclann náisiúnta na Gaeilge, borradh maoinithe ar na mallaibh nuair a d’fhógair an rialtas go gcuirfear €20m ar fáil don Ghaeltacht agus don Ghaeilge sa phobal.
Ceadaíodh breis agus €4m d’Oireachtas na Gaeilge agus €5.5m do Thuismitheoirí na Gaeltachta agus ceadaíodh €5.78m do Thaibhdhearc na Gaillimhe thar thréimhse cheithre bliana.
Athrú iomlán ó bhonn a bhí ann i dtaobh polasaí an Stáit maidir le móreagraíochtaí a bhfuil baint acu le ealaíona na Gaeltachta agus na Gaeilge. Cé go bhfuil eagrais phobail agus chultúrtha eile i saol na Gaeilge fós fágtha ar an ngannchuid, níl aon dabht faoi ach go gcuirfear sreabhadh fuinnimh faoi na heagrais a fuair an chabhair.
Is mór an logha é an maoiniú nua don Taibhdearc dar ndóigh, agus tá súil go gcuirfidh sé bonn láidir faoi straitéis na hamharclanna sna blianta 2025-2027. I measc spriocanna na straitéise sin tá an sprioc glúin nua drámadóirí Gaeilge a fhorbairt; drámaíocht na Gaeilge a chur chun cinn go náisiúnta; deiseanna fostaíochta agus oiliúna a chruthú agus lucht féachana agus cleachtóirí de gach cineál agus cumas a mhéadú.
Leaving Cert student who died after being crushed by car in Wexford had been preparing vehicle for school
Ten prisoners hospitalised after suspected drug overdoses at Portlaoise Prison
Twitter ordered to pay record €550,000 to senior executive in Ireland
Deportation orders rise sharply to more than 1,000 in past six months
Beidh gá le foireann nua daoine chun na spriocanna sin a bhaint amach agus d’fhógair Cathaoirleach an Taibhdhearc, Siobhán Nic Fhlannchadha le gairid go bhfuil dhá phost – Stiúrthóir Ealaíne agus Stiúrthóir Feidhmiúcháin An Taibhdhearc le líonadh.
Poist thábhachtacha iad seo i saol amharclannaíocht na Gaeilge agus is féidir sonraí a fháil ar an suíomh antaibhdhearc.com nó d’fhéadfaí teagmháil a dhéanamh le John Deely ag recruit@pinpoint.ie.
. - Éanna Ó Caollaí
- Sign up for push alerts and have the best news, analysis and comment delivered directly to your phone
- Join The Irish Times on WhatsApp and stay up to date
- Listen to our Inside Politics podcast for the best political chat and analysis